Қазақстан «цифрлық көшпенділерді» күтуде

IT индустриясының энтузиастары Қазақстан Республикасында цифрлық революция жасауға көмектеседі, деп санайды АХҚО губернаторы

Қазақстан IT мамандары мен технологиялық стартаптар көшіп, елді цифрландыру рейтингінде алға жылжытуға көмектесетін танымал орынға айналуда. Бұл туралы Astana Finance Days 2022 халықаралық форумындағы панельдік сессия барысында Астана халықаралық қаржы орталығының (АХҚО) басшысы Қайрат Келімбетов мәлімдеді.

«Соңғы айларда біз IT саласындағы ресейлік компаниялардың Кавказ елдеріне көшуін байқадық. Кейбір компаниялар Қазақстанды өздеріне таңдап, елордамызға және Алматы қаласына сәтті қоныс аударды. Astana Hub IT саласының энтузиастары мен технология стартаптарын, соның ішінде Fintech саласындағыларды тартатын күшті нүкте болып табылады. Кейбір компаниялар осы халықаралық платформаға тіркеліп қойған. Өткен жылдың желтоқсан айында 82 кәсіпорын болған. Ақпан айынан кейін тағы 15 ресейлік компания қосылды», — деді Қайрат Келімбетов.

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция болып табылады. 2025 жылға дейінгі Даму стратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде шоғырлану болып табылады.

 

Дереккөз: https://kapital.kz/tehnology/106889/kazakhstan-zhdet-tsifrovykh-kochevnikov-kayrat-kelibetov.html